Fýtboldan Qazaqstan jasóspirim qyzdar quramasy Estonııadan jeńildi

ASTANA. KAZINFORM - Fýtboldan 19 jasqa deıingi Qazaqstan jasóspirim qyzdar quramasy 2024 jylǵy Eýropa chempıonatyna irikteý satysynda Estonııaǵa jol berdi.

Qazaqstandyq fýtbolshylar V lıgasynyń besinshi tobynda synǵa túsip jatyr. Qarsylastary - Soltústik Irlandııa, Estonııa jáne Grýzııa quramalary.

Búgin qazaqstandyq fýtbolshylar Estonııaǵa 1:2 esebimen jol berdi.

El quramasynan Adııa Asqarova 76-mınýtta mergendik tanytty. Oǵan qarsylastar 42, 58-mınýtta eki gol soǵyp úlgerdi.

Endi qazaqstandyq fýtbolshylar 6 sáýirde Soltústik Irlandııa, 9 sáýirde Grýzııamen kezdesedi.

2024 jylǵy Eýropa chempıonaty fınaldyq kezeńi 14-27 shilde aralyǵynda Lıtva memleketinde ótkiziledi.

Eske salsaq, budan buryn fýtzaldan Qazaqstan quramasynyń aldaǵy oıyndarǵa qatysatyn oıynshylary anyqtaldy.