Fýtboldan Qazaqstan WU-16 quramasy UEFA Damý týrnırin jeńispen bastady
ASTANA. KAZINFORM – Fýtboldan 16 jasqa deıingi Qazaqstan qyzdar quramasy Talǵar qalasynda ótip jatqan UEFA Damý týrnıriniń alǵashqy matchynda Estonııa quramasynan basym tústi.
Otandastarymyz kezdesý barysynda oıyn tizginin qolǵ alýǵa tyrysty. Qarsylas quramanyń qaqpasy mańynda jıi boı kórsetip, jyldam gol soǵý múmkindigin izdedi. Nátıjesinde olar alǵashqy taımda úsh márte kózge tústi. Aldymen Daıana Tólebaeva esepti ashsa, odan keıin Mılena Nıkolenko men Nuraı Bolatova esepti eseleı tústi.
Ekinshi taımda Mılena Nıkolenko taǵy bir márte qaqpany dál kózdese, Káýsar Alpysbaı besinshi goldy soqty. Odan keıin otandastarymyz óz qaqpasyna bir gol jiberip aldy.
Qazaqstan WU-16 – Estonııa WU-16 – 5:1 (3:0)
Goldar: Daıana Tólebaeva 16, Mılena Nıkolenko 20, Nuraı Bolatova 24, Mılena Nıkolenko 48, Káýsar Alpysbaı 56 – Merlın Toırk 80
Qazaqstan WU-16: Jaqsygeldi (Q), Alpysbaı, Ostertak, Smanova, Qosareva (k), Bolatova, Marat, Maqsot, Tólebaeva, ıAgýdına, Nıkolenko
Estonııa WU-16: Hertmann (Q), Esna, Lehtsaar, Tammekıvı, Matto (k), Leıdas, Dobolına, Abassova, Grafova, Kool, Paıýste
3 mamyr, 2026. QFF Ulttyq quramalar bazasy. Talǵar.
Endi qazaqstandyq fýtbolshylar aldaǵy oıynyn 5 mamyr kúni Izraılge qarsy ótkizse, odan keıin 8 mamyrda Ózbekstanmen jasyl alańǵa shyǵady.
Aıta ketsek, FIFA bıylǵy álem chempıonatyndaǵy júlde qoryn $871 mln-ǵa deıin arttyrdy.
