Fýtboldan Qazaqstan ulttyq quramasyna shaqyrylǵan sportshylardyń esimi belgili boldy
ALMATY. 27 qańtar. QazAqparat /Erlik Erjanuly/ - 1-10 aqpan kúnderi Túrkııanyń Antalııa qalasynda fýtboldan Qazaqstan ulttyq quramasy bıylǵy alǵashqy oqý-jattyǵý jıynyn ótkizedi.
Qazaqstan fýtbol federatsııasynyń ınternet saıtynda jarııalanǵan aqparatqa qaraǵanda ony Qurama komanda departamenti men Suryptaý jáne taldaý bólimi jasaqtap otyr.
Bul jıynǵa qaqpashylardan - Andreı Sıdelnıkov, Aleksandr Mokın men Davıd Lorııa, qorǵaýshylardan - Qaırat Nurdáýletov, Mıhaıl Rojkov, Farhadbek Irısmetov, Samat Symaqov, Aleksandr Kıslıtsın, Vladıslav Chernyshov, Aleksandr Kırov, Anton Chıchýlın, Renat Abdýlın, jartylaı qorǵaýshylardan - Andreı Karpovıch, Qazbek Geterıev, Azat Nurǵalıev, Ulan Qonysbaev, Aslan Darabaev, Maksım Azovskıı, Dmıtrıı Shomko, Serikjan Mýjıkov, Sergeı Skoryh, Evgenıı Averchenko, shabýylshylardan - Nurbol Jumasqalıev, Sergeı Hıjnıchenko, Sergeı Ostapenko men Andreı Fınonchenko shaqyrylǵan. Olar 9 aqpan kúni Belarýs quramasymen joldastyq kezdesý ótkizetin bolady.
