Fýtboldan Qazaqstan ulttyq quramasy Moldovamen oınaıdy
ASTANA. QazAqparat - Fýtboldan Qazaqstan ulttyq quramasy Moldovamen joldastyq kezdesý ótkizedi, dep habarlaıdy QazAqparat tilshisi.
«Qazaqstannyń Fýtbol federatsııasy Moldova Fýtbol federatsııasymen ulttyq quramalar arasynda joldastyq kezdesý ótkizý týraly kelisimge keldi deýge bolady. Federatsııa basqa eldermen de kelissózder júrgizip jatyr», - deıdi QFF bas hatshysy Azamat Aıthojın.
Onyń aıtýynsha, joldastyq kezdesýleri ótetin naqty kúnder federatsııanyń resmı saıtynda jarııalanady.
Eske sala keteıik, Qazaqstan quramasy bıyl alǵashqy resmı kezdesýin 2020 Eýropa chempıonatyna irikteý týrnıri aıasynda 21 naýryz kúni Astanada Shotlandııaǵa qarsy ótkizedi. Іrikteý týrnırinde Qazaqstan Belgııa, Reseı, Shotlandııa, Kıpr jáne San-Marıno quramalarymen bir topqa túsken.
Avtor: Azamat Syzdyqbaev
