Fýtboldan Qazaqstan ulttyq quramasy men legıonerler komandasy arasyndaǵy joldastyq kezdesý 2:2 esebimen aıaqtaldy
ALMATY. 16 tamyz. QazAqparat - Keshe Almatydaǵy ortalyq stadıonda fýtboldan Qazaqstan ulttyq quramasy men Premer-lıgada óner kórsetetin legınonerlerden jasaqtalǵan komanda arasynda joldastyq kezdesý ótti.
Aldymen «Astananyń» serbııalyq legıoneri Nenad Erıch qorǵaǵan qaqpadan «Ertistiń» jartylaı qorǵaýshysy Pavel Shabalın 9-mınýtta sańylaý tapty. Vıktor Kýmykov senim artqan komandadan «Jetisýdyń» horvatııalyq aıaqdopshysy Edın ıÝnýsovıch ony kezdesýdiń ekinshi jartysynda (58 mınýt) teńestirdi. «Astanalyq» qorǵaýshy Qaırat Nurdáýletov 81-mınýtta penaltı arqyly ulttyq quramany taǵy alǵa shyǵarǵan edi, araǵa 5 mınýt salyp «Shahterdiń» kolýmbııalyq jartylaı qorǵaýshysy Henao Rodjer Kanıas esepti ekinshi ret teńestirip, kezdesýdiń sońǵy núktesin qoıdy. Ulttyq qurama qaqpasyna legıonerler eki dopty da ekinshi taımnyń basynda «aqtóbelik» Andreı Sıdelnıkovty «jetisýlyq» Vladımır Logınovskıı aýystyrǵan soń engizdi.
