Fýtboldan Qazaqstan ulttyq quramasynyń FIFA reıtıngindegi orny ózgerdi

ASTANA. KAZINFORM – Halyqaralyq fýtbol qaýymdastyqtary federatsııasy (FIFA) fýtboldan erler arasyndaǵy ulttyq quramalardyń jańartylǵan reıtıngin jarııalady. 

Qazaqstan ulttyq quramasy 115-orynnan bir satyǵa joǵary kóterilip, 114-orynǵa turaqtady. 

Talǵat Baısýfınov jattyqtyratyn qurama komanda qarasha aıynda eki match ótkizdi. 15 qarasha kúni Qazaqstan óz alańynda Belgııa quramasymen 1:1 esebimen teń túsip, bir upaı enshiledi. Bul nátıje reıtıngide joǵary kóterilýge múmkindik syılady. Al, 18 qarashada Farer araldarymen joldastyq kezdesýde 0:1 esebimen qarsylasymyzǵa jol berdik. 

2025 jyldyń 22 jeltoqsanyndaǵy jaǵdaı boıynsha álemdik reıtınginiń alǵashqy ondyǵy tómendegideı:

2025 jylǵy 22 jeltoqsandaǵy FIFA reıtıngi:

1 (1). Ispanııa — 1877.18

2 (2). Argentına — 1873.33

3 (3). Frantsııa — 1870

4 (4). Anglııa — 1834.12

5 (6). Brazılııa — 1760.46

6 (5). Portýgalııa — 1760.38

7 (7). Nıderland — 1756.27

8 (8). Belgııa — 1730.71

9 (10). Germanııa — 1724.15

10 (11). Horvatııa — 1716.88

Eske sala keteıik, buǵan deıin Álı Álıevtiń «Jeńis» fýtbol klýbynyń tizginin ustaǵanyn jazǵan edik.