Fýtboldan Qazaqstan ulttyq quramasynyń bas bapkeri Djon van ’t Skıp qyzmetinen ketedi
ASTANA. KAZINFORM — Fýtboldan Qazaqstan ulttyq quramasynyń bas bapkeri Djon van ’t Skıp óz qyzmetinen ketedi.
Bul jóninde Qazaqstan fýtbol federatsııasynyń (QFF) baspasóz qyzmeti Kazinform tilshisine málim etti.
Federatsııanyń habarlaýynsha, taraptar kelisimshartty uzartpaý týraly sheshim qabyldady.
Nıderlandtyq bapker ulttyq qurama tizginin 2026 jyldyń tamyzynda ustady. Ol qyzmetinen ketken qazaqstandyq maman Talǵat Baısýfınovtyń almastyrdy.
Nıderlandtyq 62 jastaǵy mamannyń jetekshiligimen Qazaqstan quramasy UEFA Ulttar lıgasynyń toptyq kezeńinde S dıvızıony úshinshi tobynda alty match ótkizdi.
Bul týrnırde qurama birde-bir jeńiske jete alǵan joq. Úsh ret teń oınasa, qalǵanynda jeńilistiń aşy dámin tatty. Atap aıtqanda, Farer araldarymen (2:2, 1:1) eki, Slovakııamen (1:1) bir márte teń nátıjege qanaǵat bildirdi.
Al Moldovaǵa (1:2, 1:2) eki, Slovakııaǵa (1:2) bir márte ese jiberdi. Nebári 3 upaı jınaǵan Qazaqstan quramasy óz óz tobynda tórtinshi oryndy mise tutty. Ulttyq qurama V lıgasyna oralý mindetin oryndaı alǵan joq.
Fýtbolshy retinde Djon van ’t Skıp Amsterdamnyń «Aıaks» jáne Italııanyń «Djenoa» klýbtarynda óner kórsetip, Nıderland quramasynda oınady. Ulttyq quramamen birge 1988 jylǵy Eýropa chempıony atandy.
Eńbek jolynda aldymen nıderdandtyq «Aıakstyń» bas bapkeri qyzmetin atqardy. Sondaı-aq «Tvente», «Zvolle», Meksıkanyń «Gvadalahara» jáne Aýstralııanyń «Melbýrn Sıtı» komandalarynyń tizginin ustady. 2016 jyly «Melbýrn Sıtı» klýbymen birge Aýstralııa kýbogyn jeńip aldy.
Halyqaralyq deńgeıde Djon van ’t Skıp Grekııa jáne Armenııa ulttyq quramalarynyń bas bapkeri qyzmetin atqardy.