Fýtboldan Qazaqstan ulttyq quramasyn polshalyq maman jattyqtyrýy múmkin
ASTANA. KAZINFORM – Fýtboldan Qazaqstan ulttyq quramasynyń basshylyǵy polshalyq jattyqtyrýshy Mıhal Probejben kelisimge keldi, dep habarlaıdy Kazinform Sports.kz saıtyna silteme jasap.
– Polsha quramasynyń burynǵy bas bapkeri Qazaqstan fýtbol federatsııasymen yntymaqtastyqty bastaý týraly kelisimge keldi. Jaqyn arada bul aqparattyń resmı rastaýyn kútip otyrmyz. Biraq kelisimsharttyń naqty qansha ýaqytqa jasalatyny týraly aqparat áli shyqqan joq, - dedi jýrnalıst Mateýsh Borek Moc Futbolu YouTube arnasynda.
Buǵan deıin qazaqstandyq maman Álı Álıev álem chempıonatynyń irikteý kezeńinde Belgııadan iri eseppen jeńilgennen keıin keıin Qazaqstan ulttyq quramasynyń bas bapkeri qyzmetinen ketken bolatyn.
Aıta keteıik, Probej Polsha quramasyn 2023-2025 jyldar aralyǵynda jattyqtyrdy. Sondaı-aq ol bir kezderi grekııalyq «Arıs» komandasynyń da tizginin ustaǵan bolatyn.