Fýtboldan Qazaqstan ulttyq quramasy Ýelspen kezdesýge attandy

ASTANA. KAZINFORM – Fýtboldan Qazaqstan ulttyq quramasy 2026 jylǵy álem chempıonatynyń irikteý týrnırinde Ýels komandasymen kezdesý úshin Kardıff qalasyna jol tartty. 

Bul týraly Qazaqstan fýtbol quramasynyń baspasóz qyzmeti Instagram jelisindegi paraqshasynda jazdy.  

— Biz attandyq: Antalııa — Kardıff. Alda tórt saǵattyq jol, - delingen onda.

Ýels — Qazaqstan oıyny 22 naýryzdan 23-ine qaraǵan túni Kardıff qalasyndaǵy «Kardıff Sıtı» stadıonynda ótedi. Match Qazaqstan ýaqytymen saǵat 00.45-te bastalady.

Aıta keteıik, bul qazaqstandyq maman Álı Álıevtiń basshylyǵymen ótetin alǵashqy kezdesý bolmaq. 

Eske salsaq, budan buryn Ulttar lıgasynda búgin pleı-off kezeńi bastalatynyn jazǵan bolatynbyz. 

Posmotret etý pýblıkatsııý v Instagram

Pýblıkatsııa ot Kazakhstan national football team (@kff_team)