Fýtboldan Qazaqstan ulttyq quramasy Lıhtenshteınmen kezdesýge attandy
ASTANA. KAZINFORM - Fýtboldan Qazaqstan ulttyq quramasy 2026 jylǵy fýtboldan álem chempıonaty irikteý satysyndaǵy ekinshi oıynyn ótkizý úshin Shveıtsarııaǵa attandy.
Qazaqstan fýtbol federatsııasynyń baspasóz mamany Seıil Qojataıdyń habarlaýynsha, Lıhtenshteın astanasy - Vadýts qalasynda áýejaı joq. Sondyqtan qazaqstandyq fýtbolshylar oǵan jaqyn ornalasqan Shveıtsarııanyń Tsıýrıh qalasyna ushaqpen barady. Odan ári 1,5 saǵat avtobýspen jetedi.
Kezdesý naýryzdyń 25-nen 26-na qaraǵan túni saǵat 00:45-te bastalyp, «Qazsport» telearnasynan tikeleı efırde kórsetiledi.
Bul matchta bas bapker quramda birneshe ózgeris eńgizýdi josparlap otyr.
Bul oıynda Djon Bıton bastaǵan shotlandııalyq tóreshiler qyzmet atqarady. Oǵan otandastary Denıel Makfarleın men Devıd Makgıchı kómek beredi. Qosalqy tóreshi de sol eldiń ókili — Devıd Dıkınson.
El quramasy 2026 jylǵy álem chempıonatyna irikteý kezeńinde J tobynda oıyn kórsetedi.
Qarsylastary — Belgııa, Ýels, Soltústik Makedonııa jáne Lıhtenshteın.
Matchtar 2025 jyldyń naýryzynda bastalyp, qarasha aıynda aıaqtalady.
Eske salsaq, alǵashqy týrda syrt alańda Qazaqstan Ýelske 1:3 esebimen jol berse, Lıhtenshteın Soltústik Makedonııa 0:3 esebimen jeńilip qaldy.