Fýtboldan Qazaqstan U21 quramasy Belarýspen eki joldastyq kezdesý ótkizedi
ASTANA. KAZINFORM — Fýtboldan Qazaqstan 21 jasqa deıingi jastar quramasy maýsym aıynda Belarýs quramasyna qarsy eki halyqaralyq joldastyq match ótkizedi.
Bul matchar Belarýste ótedi dep josparlanǵan. Alǵashqy kezdesý 5 maýsymda kBaranovıchı qalasyndaǵy stadıonda ótedi. Oıyn Astana ýaqytymen 19:00–de bastalady.
Ekinshi kezdesý 8 maýsymda Mınsk qalasyndaǵy «Traktor» stadıonynda ótedi. Matchtyń bastalýy — 20:00.
Qazaqstan jastar 30 mamyrda Talǵar qalasynda oqý-jattyǵý jıynyna jınalady.
Qazirgi tańda jastar quramasy 6 kezdesýde bir ret jeńiske jetip, bir ret teń nátıjege qol jetkizdi, qalǵan kezdesýde qarsylastaryna ese jiberdi. Atap aıtsaq, Andorrany 1:0 esebimen qapy qaldyrdy, Moldovamen 1:1 esebimen teń túsken, al Anglııadan 0:2, Andorradan 0:1, Slovakııadan eki márte 1:2, 1:3 esebimen jeńildi.
Іrikteý kezeńi 2025 jyldyń 5 maýsymy men 2026 jyldyń 6 qarashasy aralyǵynda ótedi.
Aıta ketsek, aqpan aıynda Vladımır Chebýrın fýtboldan Qazaqstan jastar quramasynyń tizginin ustady.
Qazaqstanda Vladımır Chebýrın qaraǵandylyq «Shahter», kókshetaýlyq «Oqjetpes» klýbtaryn jattyqtyrdy. Ol sondaı-aq sheteldik klýbtarmen de bas bapker retinde jumys istedi. Atap aıtqanda, lıtvalyq «Krýoıa», «Sýdýva» jáne «Jalgırıs» komandalarynda úzdik jumysymen kózge tústi.
«Sýdýva» men «Jalgırıs» klýbtarymen birge alty márte Lıtva chempıony atanyp, úsh ret Lıtva Kýbogyn jáne eki ret Sýperkýbokty jeńip aldy. Sonymen qatar Lıtvada úsh márte jyldyń úzdik bapkeri dep tanyldy.
