Fýtboldan Qazaqstan U-19 quramasy Eýropa chempıonaty elıtalyq kezeńin sátti bastady

ASTANA. KAZINFORM — Fýtboldan Qazaqstan U-19 jasóspirimder quramasy 2025/26 Eýropa chempıonatyna irikteýdiń elıtalyq kezeńinde alǵashqy jeńisine jetti. 

Qazaqstandyq fýtbolshylar besinshi topta synǵa túsip jatyr. Qarsylastary — Ýkraına, Rýmynııa jáne Soltústik Irlandııa.

Otandastarymyz búgin Rýmynııamen sheberlik baıqasty. Oıyn barysynda olardyń qatarynan Abylaıhan Tóleýhan 13, Azamat Tuıaqbaev 66-mınýtta mergendik tanytty.

Endi qazaqstandyq fýtbolshylar aldaǵy oıynyn 28 naýryzda Ýkraınaǵa qarsy ótkizse, 31 naýryzda Soltústik Irlandııamen kezdesedi. 

Búgin bul topta Ýkraına quramasy Soltústik Irlandııany 1:0 esebimen tize búktirdi.

Іrikteý kezeńiniń matchtary 2026 jyldyń 25-31 naýryzy aralyǵynda Rýmynııada ótedi. Ár toptyń jeńimpazy 2026 jyldyń 28 maýsymy men 11 shildesi aralyǵynda Ýelste ótetin Eýropa chempıonatynyń fınaldyq kezeńine joldama alady. 

Aıta ketsek, Qazaqstan U-19 jasóspirimder quramasy ekinshi irikteý kezeńinde Irlandııany 1:0 esebimen jeńip, Kıprmen 1:1 esebimen teń tússe, Nıderlandqa 1:2 esebimen ese jiberdi.

Nátıjesinde óz tobynda ekinshi orynǵa taban tirep, elıtalyq kezeńge joldama alǵan edi. 

Sondaı-aq búgin elimizdiń U-19 jasóspirimder quramasy elıtalyq kezeńdegi alǵashqy oıynynda Aýstrııamen 0:0 esebimen teń tústi. Endi olar 28 naýryzda Danııa, 31 naýryzda Chehııamen sheberlik baıqasady. 

Eske salsaq, olar Horvatııada fýtboldan 17 jasqa deıingiler arasynda ótken ekinshi irikteý kezeńinde Qazaqstan quramasy óz tobynda birinshi orynǵa ıe bolyp, elıtalyq kezeńge shyqqan edi.