Fýtboldan Qazaqstan U-17 quramasy Eýropa chempıonatyna qatysady

ASTANA. KAZINFORM — Fýtboldan Qazaqstan 17 jasqa deıingi jasóspirimder quramasynyń 2025/26 jylǵy Eýropa chempıonaty A lıgasyna qatysatyn oıynshylar tizimi belgili boldy. 

Otandastarymyz A lıgasynda tórtinshi topta Chehııa, Aýstrııa jáne Danııa sheberlik baıqasady. Bul kezeńdegi 25-31 naýryz kúnderi aralyǵynda Danııada ótedi. 

Jarystyń atalǵan satysynda 28 qurama jeti topta joldama úshin baq synaıdy. 

Baýyrjan Saǵyndyq bastaǵan jasóspirimder quramasy Túrkııada oqý-jattyǵý jıynyn ótkizedi. Tizimge 24 oıynshy endi:

Qaqpashylar: Nıkıta Kıldjıev («Shahter»), Álıhan Shaızada («Shahter»), Kamıl Gaınýllın («Qaırat»).

Qorǵaýshylar: Jánibek Jaılaýbek («Shahter»), Marlen Ámirenov, Álfır Hanafı, Ábdı Álıhan, Mansýr Avashanov (barlyǵy — «Qaırat»), Nuraly Azatqazy («Han táńiri»), Islam Raqym («Qaırat»), Meıirlan Baltabaev («Shahter»), Nıkıta Lısohmar («QFF Akademııasy»).
Jartylaı qorǵaýshylar: Álıhan Jumabek, Damır ıÝsýpbekov (ekeýi de — «Qaırat»), Rınat Beıbitov («Aqtóbe»), Sháriphan Sháripjan («Han táńiri»), Ádilhan Ospan («Ordabasy»), Arman Ahmet («Jas Qyran»).

Shabýylshylar: Dıgdar Omarov, Rasýl Ákimov (ekeýi de — «Shahter»), Roman Chernomorets («Qaırat»), Rasýl Dosan («Atyraý»), Maǵzum Jolaman («Kaspıı»), Abylaı Jylqaıdar («Qaırat»), Ánýar Tólendi («QFF Akademııasy»).

Otandastarymyz aldymen 25 naýryzda Aýstrııamen kezdesse, 28 naýryzda Danııa, 31 naýryzda Chehııamen jasyl alańǵa shyǵady.

Fınaldyq kezeń 25 mamyr -7 maýsym 2026 aralyǵynda Estonııada ótedi.

Aıta ketsek, budan buryn fýtboldan Qazaqstan quramasynyń keńeıtilgen tizimi jarııalandy.