Fýtboldan Qazaqstan sýperkýbogy Túrkistan qalasynda ótedi
NUR-SULTAN. QazAqparat - Fýtboldan Qazaqstan sýperkýbogy Túrkistan qalasynda ótedi dep josparlanyp otyr. Bul jóninde QazAqparat tilshisi Qazaqstan kásipqoı fýtbol lıgasyna silteme jasap habarlaıdy.
Bıyl sýperkýbok oıyndary jańa formatta ótkiziledi. Oǵan barlyǵy tórt komanda qatysady. Ótken jylǵy el chempıony Almatynyń «Qaıraty», ekinshi jáne úshinshi oryn alǵan Qostanaıdyń «Tobyly» men elordanyń «Astana» komandalary atalǵan týrnırde baq synaıdy. Byltyr Qazaqstan kýbogynyń jeńimpazy anyqtalmaýyna baılanysty bul oryn tórtinshi orynǵa ıe bolǵan Qaraǵandynyń «Shahterine» buıyrdy.
Atalǵan týrnırdiń júlde qory 40 mıllıon teńgeni quraıdy. Ol jeńimpaz jáne júldeli oryndarǵa qol jetkizgen komandalarǵa beriledi.
Sýperkýboktyń jartylaı fınal oıyndary 2 jáne 3 naýryz kúnderi ótkiziledi. Al 5 naýryzda úshinshi oryn ıegeri anyqtalsa, fınal 6 naýryzǵa belgilengen.
Týrnırdiń jartylaı fınal kezeńiniń jerebe tartý rásimi 15 aqpanda elorda ýaqytymen saǵat 14.00-de ótedi.
Esterińizge sala ketelik, budan buryn Qazaqstan fýtbol federatsııasynyń baspasóz hatshysy taǵaıyndalǵanyn habarlaǵan edik.
