Fýtboldan Qazaqstan sýperkýbogy: «Qaırat» úshinshi oryn ıegeri atandy
NUR-SULTAN. QazAqparat - Búgin, 5 naýryzda fýtboldan 2021 jylǵy sýperkýbokta úshinshi oryn ıegeri anyqtaldy, dep habarlaıdy QazAqparat tilshisi.
Úshinshi oryn úshin saıysta Almatynyń «Qaırat» jáne Qaraǵandynyń «Shahter» komandalary kezdesti.
Oıynda «Qaırat» negizinen jastarǵa senim artsa, «Shahter» tájirıbeli fýtbolshylaryn jasyl alańǵa shyǵardy.
Birinshi kezeńde komandalar bir-biriniń qaqpasynan sańylaý taba alǵan joq.
Oıynnyń 51-mınýtynda qaraǵandylyq Jan-Álı Paırýz mergendik tanytyp, óz komandasyn alǵa shyǵardy.
Oǵan «Qaırat» sapynan Denıs Polıakov 63, Shtrelı Mamba 87-mınýtta eki golmen jaýap qaıyrdy. Osylaısha almatylyq ujym qarsylasynan 2:1 esebimen basym tústi.
Esterińizge sala ketelik, eki komanda jartylaı fınalda qarsylasyna ese jiberdi.
Aldymen «Shahter» elordalyq «Astanaǵa» 1:2 esebimen jol berdi.
Al «Qaırat» negizgi kezeńde Qostanaıdyń «Tobylymen» teń túsip, penaltıden ese jiberdi.
Endi fınalda 6 naýryz kúni «Astana» men «Tobyl» komandalary kezdesedi.
