Fýtboldan Qazaqstan sýperkýbogy qashan bastalady
NUR-SULTAN. QazAqparat - Fýtboldan Qazaqstan sýperkýbogynyń bastalý ýaqyty belgili boldy, dep habarlaıdy QazAqparat tilshisi.
Kezdesý elorda ýaqytymen 19:30-de bastalady. Kezdesý 2 naýryzda elordada «Astana Arena» stadıonynda ótkiziledi.
Jańa maýsymda atalmysh júlde úshin ótken maýsymnyń chempıony qostanaılyq «Tobyl» men kýbok ıegeri almatylyq «Qaırat» sarapqa salady.
Sýperkýbokty klassıkalyq túrde bir oıynynan ótkizý týraly sheshim qabyldandy. Bul bıylǵy naýryz aıynda oıyndar kúntizbesiniń tyǵyzdyǵyna baılanysty klýbtarmen kelisim boıynsha qabyldandy.
Eske salsaq, bıyl el birinshiligi 5 naýryzda jalaýyn kóteredi.
Alǵashqy týrda 5 naýryzda «Kaspıı» (Aqtaý) men «Qyzyljar», «Turan» (Túrkistan) men «Taraz», «Atyraý» men «Aqsý» (Pavlodar oblysy), «Astana» (Nur-Sultan) men «Shahter» (Qaraǵandy), «Ordabasy» (Shymkent) men «Maqtaaral» (Túrkistan oblysy) komandalary kezdesedi.
