Fýtboldan Qazaqstan sýperkýbogy: «Astana» fınalǵa shyqty
NUR-SULTAN. QazAqparat – Túrkistan qalasynda fýtboldan Qazaqstan sýperkýbogy úshin oıyndar bastaldy, dep habarlaıdy QazAqparat tilshisi.
Búgin birinshi jartylaı fınaldyq matchta alańǵa «Astana» men qaraǵandylyq «Shahter» komandalary shyqty.
Esepti 18-mınýtta elordalyq komanda sapyndaǵy chernogorııalyq qorǵaýshy Jarko Tomashevıch ashty.
Birinshi taım sońynda jaraqat alǵan «Shahterdiń» qaqpashysy Igor Shatskııdiń ornyna ekinshi kezeńde Tımýrbek Zákirov shyqty. 73-mınýtta T.Zákirov qaıtarǵan dopqa armenııalyq shabýylshy Tıgran Barsegıan birinshi bolyp jetip, esepti 2:0-ge jetkizdi.
Osylaısha Andreı Tıhonovtyń shákirtteri fınalǵa shyqty. «Astananyń» fınaldaǵy qarsylasy 3 naýryz kúni «Qaırat» pen «Tobyldyń» arasynda ótetin oıynnan keıin anyqtalady. Jartylaı fınalda jeńilgen klýbtar 5 naýryzda úshinshi oryn úshin talasady. Fınaldyq match 6 naýryzda josparlanǵan.
Eske sala keteıik, budan buryn fýtboldan sýperkýbok kimge buıyratynyn jazǵan bolatynbyz.
