Fýtboldan Qazaqstan Premer-lıgasynda 16 klýb oınaıtyn bolady

ASTANA. KAZINFORM – 2026 jyldan bastap fýtboldan Qazaqstan Premer-lıgasynda 16 klýb oınaıtyn bolady. Bul týraly Úkimet otyrysynda Qazaqstan Fýtbol federatsııasynyń bas hatshysy Davıd Lorııa aıtty.

- 2026 jyldan bastap Premer-lıga quramyn 16 klýbqa deıin keńeıtý týraly sheshim qabyldandy. 2028 jyla deıin legıonerlerge arnalǵan lımıtti 12-den 8 oıynshyǵa deın birtindep qysqartý protsesi bastaldy. Qazaqstan quramasynyń Soltústik Makedonııa, Ýels jáne Lıhtenshteınge qarsy úıdegi oıyndarynda 82 722 kórermen jınalyp, halyqaralyq kezdesýlerge joǵary qyzyǵýshylyqty rastady, - dedi ol.

Onyń dereginshe, Qazaqstan quramasy bıylǵy úıdegi sońǵy oıynyn 15 qarashada Belgııaǵa qarsy ótkizedi. Ol kezde de stadıon jankúıerge lyq tolady dep boljanyp otyr. 

- 2025 jyly «Qaırat» fýtbol klýby ÝEFA Chempıondar lıgasynyń toptyq kezeńine shyqty. Al «Astana», «Ordabasy», «Aqtóbeniń» eýrokýbogqa qatysýy Qazaqstannyń ÝEFA-nyń klýbtyq reıtınginde 39-orynnan 34-orynǵa kóterilýine múmkindik berdi. Qazaqstannyń halyqaralyq fýtbol ımıdjin ilgeriletý aıasynda elimiz 2027 jyly 19 jasqa deıingi oıynshylar arasynda fýtzaldan Eýropa jasóspirimder chempıonatynyń fınaldyq týrnırin ótkizý quqyǵyn aldy. Sonymen qatar federatsııa 2028-2029 jylǵy maýsymda ÝEFA Konferentsııa lıgasynyń fınalyn ótkizýge resmı ótinim berdi, - dedi Davıd Lorııa. 

Buǵan deıin ol jekeshelendiriletin fýtbol klýbtaryn ataǵan edi.