Fýtboldan Qazaqstan Premer-lıgasy oıyndaryna ózgerister engizildi

Nátıjesinde birqatar kezdesýdiń ótkizilý merzimi aýystyryldy. Endi chempıonattyń sheshýshi matchtary qazan aıynyń sońynda ótetin boldy.

Negizgi ózgerister keıinge shegerilgen 23-týr matchtaryna qatysty bolyp otyr. Atalǵan kezdesýler endi 17-18 qazanda josparlandy. Odan keıin komandalar maýsymnyń qorytyndy kezeńine kirisedi. 29-týrdyń matchtary 24-25 qazanǵa belgilendi.

Al Qazaqstan chempıonatynyń sońǵy, 30-týry 31 qazanda ótedi. Osy kezdesýlerden keıin el birinshiligi tolyq aıaqtalady.

Qazaqstan kýbogy fınalynyń ótetin kúni ázirge belgilengen joq. Onyń naqty merzimi keıinirek jarııalanady.

Aıta ketsek, fınalda «Ordabasy» (Shymkent) - «Qaısar» (Qyzylorda) sheberlik baıqasady. Jartylaı fınalda shymkenttik komanda Óskemenniń «Altaıyn» (3:1, 2:1), qyzylordalyq klýb elordalyq «Jeńisti» (3:1, 2:3) qapy qaldyryp ketti. 

FIFA Qazaqstan fýtbol federatsııasynyń 2026 jylǵa arnalǵan FIFA Talent Development Scheme baǵdarlamasy aıasyndaǵy jobalyq ótinimin resmı túrde maquldady.

Balalar-jasóspirimder fýtbolyn damytýǵa jáne mamandardy daıarlaýǵa baǵyttalǵan negizgi bastamalardy júzege asyrý úshin FIFA 250 000 AQSh dollary kóleminde qarjy bóldi.