Fýtboldan Qazaqstan premer-lıgasynyń 27-shi týr oıyndary aıaqtaldy
ALMATY. Qazannyń 4-i. QazAqparat /Erbol Turymbetov/ - Ótken aptada fýtboldan Premer-lıga komandalary arasynda Qazaqstan chempıonatynyń 27-shi týr oıyndary boldy. Onyń qorytyndylary boıynsha, jalpy esepte «Tobyl» 55 upaımen top bastap tur. Al «Aqtóbe» kóshbasshydan 5 upaı qalyp keledi.
Top basyndaǵy «Tobyl» ótken týrdyń qorytyndysy boıynsha ózinen keıin turǵan komandadan 7 upaıǵa ozyq bolatyn. «Astana Arenada» ótken «Lokomotıvpen» oıynynda teń túsip, qarsylastar 0:0 esebimen tarasty.
Bul nátıjeni utymdy paıdalana bilgen «Aqtóbe» «Atyraýmen» syrt alańda ótkizgen oıynda 5:2 esebimen iri jeńiske jetip, upaı aıyrmashylyǵyn 2-ge qysqartty. Teń nátıjeli kezdesý «Taraz» ben «Ordabasy» komandalarynyń oıynynda da tirkeldi. .Dál osyndaı esep «Shahter» - «Ertis» kezdesýinde de oryn aldy.
Ótken týrda aýtsaıderlerdiń aldy bolyp turǵan «Aqjaıyq» óz alańynda «Jetisýdan» 0:3 esebimen oısyraı utyldy. Týrnır kestesinde 20 upaıymen 11-shi orynda turǵan «Aqjaıyq» kelesi týrda basty qarsylasy «Qaıratpen» kúsh synaspaq. Jalpy esepte ázirge sońǵy bolyp turǵan «Oqjetpes» óz alańyndaǵy oıynda aýtsaıderlerdiń biri «Qaıratpen» upaı bólisti. Esep - 1:1. «Qaırat» osy teń oıyn arqyly 21 upaımen «Aqjaıyqtyń» aldyna shyqty.
Sonymen, týrnır kestesinde alǵashqy úshtiktiń qatarynda burynǵysynsha «Tobyl» (55 upaı), «Aqtóbe» (50), jáne «Lokomotıv» (45) komandalary tur. Onan keıingi oryndarǵa «Ertis» (44), «Atyraý» (41), «Shahter» (40) ornalasty.
Premer-lıganyń 7-12-shi oryndary úshin bolyp jatqan jarysta 41 upaımen «Jetisý» alǵa shyqty. Aldyńǵy 26-shy týrda 7-shi orynǵa turaqtaǵan «Ordabasy» 40 upaımen bir saty tómendedi. 29 upaı jınaǵan «Taraz» 9-shy orynda.Odan keıingi oryndarda 21 upaımen«Qaırat» tur. Týrnır kestesiniń sońynda 20 upaımen «Aqjaıyqta» jáne 19 upaımen "Oqjetpes" tur.
