Fýtboldan Qazaqstan Premer-Lıgasy: «Tobyl» 3-orynǵa kóterildi
NUR-SULTAN. QazAqparat - Búgin fýtboldan Premer-lıga komandalary arasyndaǵy Qazaqstan chempıonatynyń on ekinshi týry máresine jetti, dep habarlaıdy QazAqparat tilshisi.
Alǵashqy oıyn Qyzylordanyń «Qaısary» men Kókshetaýdyń «Oqjetpes» komandalary arasynda ótti. Oıynda gol soǵylǵan joq. Komandalar 0:0 esebine qanaǵat bildirdi.
Taǵy bir kezdesýde Shymkenttiń «Ordabasy» jáne Jambyl oblysynyń «Taraz» komandalary sheberlik baıqasty. Ońtústik ólke klýbtary arasyndaǵy oıynda tarazdyqtar sapynan 56-mınýtta Goran Brkıch eep ashty. Oǵan 77-mınýtta «Ordabasy» oıynshysy Vıktor Dmıtrıenko bir golmen jaýap berdi. Kezdesý 1:1 esebimen teń aıaqtaldy.
Sońǵy oıynda Qostanaıdyń «Tobyly» men Taldyqorǵannyń «Jetisý» klýbtary jasyl alańǵa shyqty. Oıynnyń 53-mınýtynda qostanaılyq Djaba Kankaba esep ashty. Al 59-mınýtta qostanaılyq taǵy oıynshy Jeremı Manzorro esepti ústemeleı tústi. Oıynda «Tobyl» qarsylasynan 2:0 esebimen basym tústi. Týrnır kestesinde úshinshi orynǵa kóterildi.
Esterińizge sala ketelik, 1 qazanda elordalyq «Astana» Aqtaýdyń «Kaspııinen» 1:2 esebimen jeńilip qaldy.
Al Almatynyń «Qaıraty» men Qaraǵandynyń «Shahteri» 1:1 esebimen teń tústi.
Endi 4 qazanda 6-týrdyń keıinge qaldyrylǵan oıynynda «Astana» men «Qaırat» komandalary kezdesedi.
