Fýtboldan Qazaqstan-Ózbekstan matchy qashan ótetini belgili boldy
Joldastyq kezdesý 16 qarasha kúni, elorda ýaqytymen 19:00-de bastalyp, «Qazsport» telearnasynan tikeleı efırde kórsetiledi. Oıyn Tashkent qalasyndaǵy «Pahtakor» stadıonynda ótedi.
Qazaqstandyq fýtbolshylar buǵan deıingi oıynyn qyrkúıek aıynda Ulttar lıgasynda Ázerbaıjan quramasyna qarsy ótkizgen edi. Soǵan qaramastan olar óz tobynda birinshi orynmen V dıvızıonynda synǵa túsýge joldama aldy. Sondaı-aq 2024 jylǵy Eýropa chempıonatynda ótpeli oıyndarǵa qatysýǵa múmkindigi bar.
Al Ózbekstan quramasy qyrkúıek aıynyń aıaǵynda Kosta-Rıkamen joldastyq kezdesýde qarsylasyna 1:2 esebimen jol berdi.
Eki qurama buǵan deıin alty márte kezdesti. Onyń bireýinde qazaqstandyq fýtbolshylar jeńse, ekeýinde ózbekstandyq qurama basym tústi. Úsh oıyn teń nátıjemen aıaqtaldy.
Eske salsaq, budan buryn «Kaspıı» komandasynyń bas bapkeri taǵaıyndalǵanyn jazǵan bolatynbyz.
Foto: kff.kz
