Fýtboldan Qazaqstan men Ózbekstan quramalary joldastyq kezdesý ótkizedi
ASTANA. KAZINFORM - Fýtboldan Qazaqstan jáne Ózbekstan jastar jáne jasóspirimder quramalary aldaǵy qazan aıynda joldastyq kezdesý ótkizedi.
Elimizdiń 21 jasqa deıingi jastar quramasy Tashkent qalasynda ózbekstandyq fýtbolshylarmen kezdesse, Almaty qalasynda 15 jasqa deıingi jasóspirimder quramasy sol eldiń órenderimen sheberlik baıqasady.
Qazaqstan fýtbol federatsııasy men Ózbekstan fýtbol qaýymdastyǵy arasyndaǵy yntymaqtastyq uzaq ýaqyt boıy jalǵasyp keledi. Atap aıtqanda, ulttyq quramadan bastap balalar men áıelder quramalary arasyndaǵy joldastyq oıyndar jıi ótkiziledi. Buǵan deıin Shymkentte eki eldiń 16 jasqa deıingi jasóspirimder quramasy kezdesse, Tashkentte 19 jasqa deıingi qyzdar quramalary jasyl alańǵa shyqty.
Elimizdiń fýtbol federatsııasynyń habarlaýynsha, Qazaqstan men Ózbekstan ulttyq quramalary arasynda joldastyq oıyn ótkizý jóninde kelissóz júrip jatyr.
Aıta ketsek, aldaǵy qarasha aıynda qarasha aıynda 2026 jylǵy álem chempıonatyna irikteý kezeńi aıasyndaǵy Belgııaǵa qarsy matchtan keıin Horvatııada Farer araldary quramasymen oınaıdy.
Eske salsaq, budan buryn fýtboldan Birinshi lıgada «Ertis» qarsylasyn iri eseppen jeńdi.