Fýtboldan Qazaqstan men Qyrǵyzstannyń ulttyq quramalary arasyndaǵy joldastyq kezdesý ótti
ALMATY. 2 maýsym. QazAqparat - Almatydaǵy Ortalyq stadıonda fýtboldan Qazaqstan men Qyrǵyzstannyń ulttyq quramalary arasynda joldastyq kezdesý 5:2 esebimen aıaqtaldy.
Ózbekstandyq tóreshiler qazylyq etken oıynda alǵashqy dop kezdesýdiń 2-mınýtynda qonaqtar qaqpasyna soǵyldy. Alań qojaıyndary qatarynan komanda kapıtany, qorǵaýshy Qaırat Nurdáýletov ashqan esepti 11-mınýtta shabýylshy Dáýrenbek Tájimbetov eseleı tústi. Murat Jumakeev jattyqtyratyn Qyrǵyzstan quramasy on bes mınýttan keıin esepti qysqartqan. Alaıda D. Tájimbetov 30-mınýtta ekinshi ret mergendik tanytty. 34-mınýtta qonaqtar ekinshi ret esepti ekinshi ret qysqartyp, alǵashqy taımda komandalar 3:2 kórsetkishpen tarasqan edi. Oıynnyń ekinshi bóliginde Q.Nurdáýletov (54 mınýt) penaltıden upaı aıyrmasyn qaıta ulǵaıtyp, kezdesýdiń sońǵy mınýttarynda D.Tájimbetov óziniń úshinshi dobyn engizip, oıynnyń sońǵy nústesin qoıdy. Qorytyndy esep 5:2 boıa aıaqtaldy.
Bul Mıroslav Berenek jattyqtyratyn Qazaqstan aıaqdopshylarynyń tórtinshi jeńisi. Buǵan deıin baýyrlas eki eldiń aıaqdopshylary sońǵy ret 2006 6 shildede kezdesken edi. Al Táýelsizdik kezeńinde uıymdastyrylǵan tuńǵysh joldastyq kezdesýi 1992 jyly 26qyrkúıekte Bishkekte ótip, esep 1:1 esebimen aıaqtalǵan bolatyn.
Bıylǵy maýsymdaǵy kelesi joldastyq kezdesýin Qazaqstan quramasy endi 5 maýsym kúni syrt alańda ótkizedi. Erevanda olar Armenııamen kúsh synaspaq.
