Fýtboldan Qazaqstan men Armenııa quramalary joldastyq kezdesý ótkizedi
ALMATY. 17 naýryz. QazAqparat - Aǵymdaǵy jyldyń 5 maýsymynda Erevannyń «Anrapetakan» stadıonynda Armenııa men Qazaqstannyń fýtboldan ulttyq quramalary reıtıngtik joldastyq kezdesý ótkizedi. Bul týraly Qazaqstan Fýtbol federatsııasynyń (QFF) saıtynda habarlandy.
Bul kelisimge QFF bas hatshysy Saıan Hamıtjanov pen Armenııa fýtbol federatsııasynyń atqarýshy dırektory Armen Mınasıan arasyndaǵy kelissózderden keıin qol jetkizildi.
Buǵan deıin Mıroslav Beranek jattyqtyratyn qazaqstandyq aıaqdopshylar aqpan aıynyń aıaǵynda Túrkııada Latvııa quramasymen joldastyq kezdesýde 0:0 esebimen teń túsken edi. Endi Armenııamen sheberlik baıqaspaq.
Saıan Hamıtjanovtyń sózine qaraǵanda, olar bul joly qarsylas tańdaǵanda bas bapkerdiń pikirimen sanasqan. FIFA-nyń 21 aqpanda jańartylǵan reıtıngisinde Armenııa 41-inshi, al Qazaqstan 138-inshi orynda tur.
