Fýtboldan Qazaqstan quramasynyń burynǵy bapkerin jankúıerler uryp ketti
ASTANA. QazAqparat - Ýkraınadaǵy Odessa qalasynyń «Chernomorets» fýtbol klýbynyń jankúıerleri fýtboldan Qazaqstan jasóspirimder men jastar quramasynyń burynǵy bapkeri Konstantın Frolovtyń kózin kógertti, dep habarlaıdy «SPORTINFORM» SAA.
Oqıǵa «Poltava» men «Chernomorets» arasynda ótken Premer-Lıganyń jaýapty pleı-off matchynan keıin bolǵan. Bul oıynda odessalyq klýb 0:3 esebimen jeńilip qaldy. Alǵashqy kezdesýde Frolovtyń komandasy 1:0 esebimen basym túsken edi.
Komandanyń osy nátıjesine kóńili tolmaǵan odessalyq jankúıerler «Chernomorets» komandasynyń bapkerine shabýyl jasap, Frolovtyń basynan birneshe ret urǵan. Shabýyl saldarynan bapkerdiń sol kózinde gematoma paıda boldy. Osy oqıǵadan keıin Frolov stadıonnan asyǵys ketip qalǵan.
Ýkraındyq maman Konstantın Frolov 2012-2014 jyldary Qazaqstan fýtbol federatsııasynyń sport dırektory Anatolıı ıÝrevıchtiń shaqyrýymen 17 jasqa deıingi Qazaqstan jasóspirimder quramasynyń aǵa bapkeri bolyp jumys istegen bolatyn. Ýkraındyq bapker eshqandaı este qalarlyq áreketimen erekshelenbesten, Eýropa chempıonaty-2014 irikteý týrnırinde qurama jeńiliske ushyraǵannan keıin qyzmetinen ketken edi.
Frolov Qazaqstannan keıin Grýzııada batýmılyq «Shýkýrý» jáne «Dınamo» komandalaryn basqardy. Sońǵy eki jylda «Chernomorets» fýtbol klýbynyń bapkerlik shtabyna kirdi. Bıyl qańtardan bastap osy klýbtyń bas bapkeri.
