Fýtboldan Qazaqstan quramasy jeńiske jetpegeli 3 jyl boldy
ASTANA. QazAqparat - Fýtboldan Qazaqstan quramasy resmı oıyndarda jeńiske jetpegeli 3 jyl boldy, dep habarlaıdy QazAqparat «SPORTINFORM» SAA-ǵa silteme jasap.
Ulttyq quramanyń sońǵy jeńisin 2015 jyldyń qazanynda kórdik. 13 qazanda Qazaqstan 2016 jylǵy Eýropa chempıonatynyń irikteý týrnıri aıasynda Latvııa quramasyn jeńgen bolatyn. Sol oıyndaǵy jalǵyz goldy Islambek Qýat soqqan.
Bir qyzyǵy, Qazaqstan qurama komandasy kelesi resmı oıynyn syrt alańda dál osy Latvııaǵa qarsy týra úsh jyldan soń, 2018 jylǵy 13 qazanda ótkizedi.
Eske sala keteıik, eki komanda da Ulttar lıgasynyń D dıvızıony, birinshi tobynda. Eki týrdan keıin quramalardyń enshisinde bir-birden upaı bar.
