Fýtboldan Qazaqstan quramasy Slovakııamen kezdesedi

NUR-SULTAN. QazAqparat - Fýtboldan Qazaqstan quramasy UEFA Ulttar lıgasy ekinshi týrynda syrt alańda Slovakııamen kezdesedi. Atalǵan qurama qazaqstandyq fýtbolshylardyń eýropalyq elder qatarynan 41-shi qarsylasy bolmaq, dep habarlaıdy QazAqparat tilshisi.

Slovakııa jáne Qazaqstan buǵan deıin ulttyq qurama deńgeıinde eshqashan kezdesken emes. UEFA quramyna engennen keıin ulttyq qurama túrli deńgeıdegi týrnırlerde 40 qarsylasymen sheberlik baıqasty.

Ázirge Qazaqstan quramasy Slovakııadan ózge Gıbraltar, Izraıl, Ispanııa, Italııa, Kosovo, Lıhtenshteın, Lıýksembýrg, Norvegııa, Soltústik Irlandııa, Soltústik Makedonııa, Slovenııa, Ýels jáne Shveıtsarııa quramalarymen kezdesken joq.

Aıta ketsek, Slovakııa men Qazaqstan 6 maýsymda elorda ýaqytymen 00:35-te bastalyp, «Qazsport» telearnasynan tikeleı efırde kórsetiledi,

Eske salsaq, Qazaqstan quramasy fýtboldan UEFA Ulttar lıgasyn jeńispen bastady.