Fýtboldan Qazaqstan quramasy qarsylasynan basym tústi
NUR-SULTAN. QazAqparat - Fýtboldan Qazaqstan quramasy elimizdiń legıonerler quramasymen joldastyq kezdesý ótkizdi, dep habarlaıdy QazAqparat tilshisi.
Atalǵan kezdesýde ulttyq qurama oıynshylary qarsylasynan 2:1 esebimen basym tústi.
Olardyń qatarynan Ashat Taǵybergen (5-mınýtta) jáne Oralhan Ómirtaev (21-mınýtta) mergendigimen tanyldy.
Oǵan legıonerler sapynan Kırıll Sıdorenko 60-mınýtta jalǵyz golmen jaýap qaıyrdy.
Aıta ketsek, Qazaqstan quramasy 24 jáne 29 naýryzda Ulttar lıgasynda ótpeli kezdesýin Moldovaǵa qarsy ótkizedi.
Aldymen qarsylastar alańynda sheberlik baıqassa, odan keıin elordada taǵy kezdesý ótkizedi.
Jeńimpaz qurama aldaǵy maýsymda S lıgasyndaǵy ornyn saqtap qalady.
