Fýtboldan Qazaqstan quramasy FIFA reıtıngisinde 11 catyǵa joǵarylady

NUR-SULTAN. QazAqparat - Halyqaralyq fýtbol federatsııalary assotsıatsııasynyń (FIFA) jańartylǵan reıtıngisinde Qazaqstan quramasy 11 catyǵa joǵarylady. Oǵan quramanyń UEFA Ulttar lıgasyndaǵy sátti oıyndary oń áser etti, dep habarlaıdy QazAqparat tilshisi.

Búgin, 23 maýsymda halyqaralyq fýtbol federatsııalary assotsıatsııasynyń (FIFA) jańartylǵan reıtıngisi jarııalandy. Onda Qazaqstan quramasy 114 orynǵa kóterildi. Osylaısha qurama burynǵy ornynan 11 satyǵa joǵarylaǵan.

Eske salsaq, bas bapker Magomed Adıevtiń jetekshiligimen qazaqstandyq fýtbolshylar UEFA Ulttar lıgasynda Ázerbaıjan (2:0) jáne eki márte Slovakııany (1:0, 2:1) tize búktirdi. Al Belarýspen (1:1) teń oınady.

Nátıjesinde ol quramanyń FIFA reıgtıngisindegi ornynyń joǵarylaýyna oń áser etti.

FIFA reıtıngisindegi 2022 jyldyń 23 maýsymyndaǵy kórsetkish tómendegishe:

1. Brazılııa - 1838 upaı

2. Belgııa - 1822

3. Argentına - 1771

4. Frantsııa - 1765

5. Anglııa - 1737

6. Ispanııa - 1717

7. Italııa -1714

8. Nıderlandy -1680

9. Portýgalııa - 1679

10. Danııa - 1665

51. Slovakııa -1440

96. Belarýs - 1227

114. Qazaqstan - 1166

128. Ázerbaıjan - 1127.

Qazaqstandyq fýtbolshylar endi 22 qyrkúıekte Belarýsti qabyldasa, 25 qyrkúıekte syrt alańda Ázerbaıjanmen sheberlik baıqasady.