Fýtboldan Qazaqstan quramasynyń keńeıtilgen tizimi jarııalandy
ASTANA. KAZINFORM - Fýtboldan Qazaqstan ulttyq quramasynyń bas bapkeri Álı Álıev qyrkúıek aıynda 2026 jylǵy álem chempıonatynyń irikteý kezeńi aıasynda ótetin eki kezdesýge shaqyrtylǵan oıynshylardyń keńeıtilgen tizimin jarııalady.
Tizimge Qazaqstan jáne ózge elderdiń chempıonattarynda oıyn kórsetip júrgen 37 fýtbolshy engizilgen.
Qazaqstan quramasynyń keńeıtilgen tizimi:
Qaqpashylar: Muhammedjan Seısen («Astana»), Aleksandr Zarýtskıı («Qaırat»), Bekhan Shaızada («Ordabasy»), Qajymuqan Tólepbergen («Oqjetpes»);
Qorǵaýshylar: Álibek Qasym, Baǵdat Qaıyrov (ekeýi de – «Aqtóbe»), ıAn Vorogovskıı, Marat Bystrov (ekeýi de – «Astana»), Nuraly Álip («Zenıt», Reseı), Roman Asrankýlov, Aleksandr Zýev, Naýryzbek Jagorov (bári – «Tobyl»), Erkin Tapalov («Qaırat»), Sergeı Malyı, Ular Jaksybaev, Sultanbek Astanov (bári – «Ordabasy»), Ádilbek Jumahanov («Elimaı»), Arsen Áshirbek («Oqjetpes»);
Jartylaı qorǵaýshylar: Islam Chesnokov («Tobyl»), Baktıer Zaınýtdınov («Dınamo Máskeý», Reseı), Ramazan Orazov, Almas Tólibaı, Ǵalymjan Kenjebek (bári – «Elimaı»), Dáýren Jumat, Serikjan Mýjıkov (ekeýi de – «Oqjetpes»), Islambek Qýat, Dinmuhamed Qaraman (ekeýi de – «Jeńis»), Georgıı Jýkov («Aqtóbe»), Mýrodjon Halmatov, Elhan Astanov (ekeýi de – «Ordabasy»), Damır Qasabýlat («Qaırat»);
Shabýylshylar: Oralhan Ómirtaev («Aqtóbe»), Maksım Samorodov («Ahmat», Reseı), Aıbar Jaqsylyqov («Qaısar»), Dastan Satpaev («Qaırat»), Alııar Muhamed («Oqjetpes»), Ivan Svırıdov («Elimaı»).
Naqty tizim anyqtalǵanǵa deıin ózgerister bolýy múmkin. Ulttyq quramanyń oqý-jattyǵý jıyny 29 tamyzda Astanda bastalady.
Aıta ketsek, Qazaqstan quramasy qyrkúıekte eki oıyn ótkizedi. Aldymen 4 qyrkúıekte Astanada Ýels quramasyn qabyldasa, 7 qyrkúıekte syrt alańda Belgııamen kezdesedi.
Eske salsaq, qazaqstandyq fýtbolshylar J tobynda synǵa túsip jatyr. Qazirge deıin Lıhtenshteındi (2:0) jeńip, Ýels (1:3) pen Soltústik Makedonııaǵa (0:1) ese jiberip qoıdy. Týrnır kestesinde 3 upaımen tórtinshi orynda keledi.