Fýtboldan Qazaqstan quramasynyń bas bapkeriniń mindetin atqarýshy taǵaıyndaldy

ASTANA. KAZINFORM — Otandyq belgili maman Talǵat Baısýfınov fýtboldan Qazaqstan ulttyq quramasynyń bas bapkeri mindetin ýaqytsha atqaratyn bolyp bekitildi.

Talǵat Marýauly ulttyq quramany 2026 jylǵy álem chempıonatynyń irikteý kezeńi aıasynda ótetin Lıhtenshteın (10 qazan) jáne Soltústik Makedonııamen (13 qazan) bolatyn oıyndarda daıyndaıdy.

Baısýfınov buǵan deıin 2016-2017 jáne 2020-2022 jyldary ulttyq quramany eki márte basqarǵan bolatyn. Al qazirgi tańda Qazaqstan jastar quramasy (U21) bapkerleriniń ustazy (mentory) qyzmetin atqarady.

— QFF Talǵat Marýaulynyń tájirıbesine senim artyp, aldaǵy oıyndarda sáttilik tileıdi. Sonymen qatar, QFF ulttyq quramanyń jańa bas bapkerin qyzmetine úmitkerlermen kelissózdi júrgizip jatyr. Tizimde úsh sheteldik maman bar, — dep jazylǵan habarlamada.

Eske salsaq, budan buryn Alı Alıev fýtboldan Qazaqstan quramasy bas bapkeri qyzmetinen ketetinin málimdedi. 

Qazirge deıin qazaqstandyq fýtbolshylar Belgııa (0:6), Ýels (1:3, 0:1) pen Soltústik Makedonııa (0:1) quramalarynan jeńilip, Lıhtenshteınnen (2:0) basym tústi.