Fýtboldan Qazaqstan quramasynyń bapkerler quramy anyqtaldy

ASTANA. KAZINFORM - Fýtboldan Qazaqstan ulttyq quramasynyń bapkerler quramy tolyq belgili boldy.

Qańtar aıynda Talǵat Baısýfınov Qazaqstan ulttyq quramasynyń bas bapkeri qyzmetine úshinshi ret taǵaıyndaldy.

Oǵan deıin T. Baısýfınov 2016-2017 jáne 2020-2022 jyldar aralyǵynda ulttyq quramanyń bas bapkeri qyzmetin eki ret atqardy.

Ol sondaı-aq birqatar otandyq fýtbol klýbynda bapker boldy. Ár jyldary «Esil-Bogatyr» (Petropavl), «Aqsý», «Ertis» (Pavlodar), «Aqjaıyq» (Oral) klýbtaryn basqaryp, sondaı-aq Qazaqstan jastar quramasymen jumys istedi.

Fýtbolshy mansabynda «Ertis», «Metallýrg», «Eńbek», «Ekıbastýzets», «Jetisý» jáne «Vostok» klýbtarynda oınady.

Talǵat Marýauly 2025 jyldyń qazanynda ulttyq qurama tizginin úshinshi márte ustap, bas bapker mindetin ýaqytsha atqardy. Onyń jetekshiligimen qurama 2026 jylǵy álem chempıonatynyń irikteý kezeńinde birneshe match ótkizdi. Atap aıtqanda, Qazaqstan ulttyq quramasy Lıhtenshteındi 4:0 esebimen jeńip, Soltústik Makedonııa (1:1) jáne Belgııa (1:1) quramalarymen teń tústi.

Aldaǵy ýaqytta bas bapkeri Talǵat Baısýfınovke Ivan Azovskıı, Marat Eslıamov, Eldos Ahmetov kómekshilik etse, ıÝrıı Novıkov qaqpashylar jáne Muhtar Erimbetov dene daıarlyǵy bapkeri mindetin atqarady.

Aıta keteıik, naýryzda Qazaqstan quramasy FIFA Series 26 týrnırine qatysady. Astanada ótetin jarysta Komor araldary men Kýveıt/Namıbııa quramalaryna qarsy oınaıdy.

Sondaı-aq bıyl ulttyq qurama 2026/27 jylǵy UEFA Ulttar lıgasynda synǵa túsedi. Olar S lıgasynyń úshinshi tobynda Slovakııa, Farer araldary jáne Moldovamen sheberlik baıqasady.

Toptyq kezeńde ár komanda 6 match ótkizedi: úsheýi óz alańynda, úsheýi syrt alańda. Oıyndar 2026 jyldyń qyrkúıeginde bastalyp, qyrkúıek, qazan jáne qarasha aılaryndaǵy halyqaralyq terezelerde ótedi.

Osyǵan deıin «Atyraý» fýtbol klýby satylymǵa shyǵarylatyny týraly jazdyq.