Fýtboldan Qazaqstan quramasynyń aldaǵy kezdesýinde qaqpashy mindetin kim atqarady

ASTANA. KAZINFORM - Fýtboldan Qazaqstan quramasynyń bas bapkeri Álı Álıev 2026 jylǵy álem chempıonaty irikteý kezeńindegi Soltústik Makedonııa kezdesýi jóninde pikirin bildirdi.

Kezdesý jergilikti ýaqytpen saǵat 18:50-de bastalyp, «Qazsport» telearnasynan tikeleı efırde kórsetiledi.

Bul kezdesýde bas tóreshi qyzmetin slovakııadyq Fılıp Glova atqarady. Oǵan otandastary Danıel Polachek pen Pıter Bednar kómektesedi. Qosaly tóreshi de sol eldiń ókili – Pıter Kralovıch.

- Ulttyq qurama jumys rejıminde daıyndalýda, biz josparlanǵan tsıkldy ótkizdik. Meniń oıymsha, qurama fızıkalyq jáne moraldyq turǵydan daıyn. Barlyǵy jasyl alańǵa shyǵyp, qajetti nátıjege jetý úshin kúsh salatynyn aıtyp otyr. Soltústik Makedonııada eýropalyq fýtboldyń sońǵy juldyzdary oınamaıdy. Soǵan qaramastan olardy tájirıbeli qurama dep aıta alamyn. Biraq bizdiń jigitter senimdi aqtaıdy degen oıdamyn, - dedi ol.

Sondaı-aq bas bapker qaqpada kimge senim artatyny jóninde pikir bildirdi.

Onyń aıtýynsha, qazir qurama sapynda biliktilik jáne tájirıbesi Aleksandr Zarýtskıı, Muhamedjan Seısen, Bekhan Shaızada sekildi joǵary úsh qaqpashy bar. Olardyń kez kelgeni negizgi quramda jasyl alańǵa shyǵýy ábden múmkin.

Bas bapkerdiń aıtýynsha, ulttyq quramanyń sońǵy oıyndarynda Naýryzbek Jagorov, Ǵalymjan Kenjebek, Ádilbek Jumahanov sekildi jas fýtbolshylar ózderin jaqsy qyrynan kórsetip úlgerdi.

Qazirge deıin el quramasy Ýelske (1:3) jol berip, Lıhtenshteındi (2:0) qapy qaldyrdy. Ázirge otandastarymyz týrnır kestesinde úsh upaımen úshinshi orynda keledi.