Fýtboldan Qazaqstan quramasynyń aldaǵy eki oıynyna kimder qatysady
ASTANA. KAZINFORM - Fýtboldan Qazaqstan ulttyq quramasynyń bas bapkeri Talǵat Baısýfınov maýsym aıynda ótetin eki joldastyq kezdesýge qatysatyn oıynshylardyń naqty tizimin jarııalady.
Bul jóninde Qazaqstan fýtbol federatsııasy málim etti.
Maýsym aıynda otandastarymyz syrt alańda eki joldastyq kezdesý ótkizedi. Aldymen 6 maýsymda Armenııamen kezdesse, 9 maýsymda Majarstanmen oınaıdy.
Qorytyndy tizimge 25 fýtbolshy endi:
Qaqpashylar: Temirlan Anarbekov («Qaırat»), Aleksandr Zarýtskıı («Aqtóbe»), Bekhan Shaızada («Ordabasy»).
Qorǵaýshylar: Nuraly Álip («Zenıt», Reseı), Aleksandr Mrynskıı, Erkin Tapalov (ekeýi de – «Qaırat»), ıAn Vorogovskıı, Álibek Qasym (ekeýi de – «Astana»), Sergeı Malyı («Ordabasy»), Arsen Áshirbek («Elimaı»), Sanjar Satanov («Atyraý»), Saǵı Sovet («Qaısar»).
Jartylaı qorǵaýshylar: Ramazan Orazov («Elimaı»), Jasulan Ámir («Ordabasy»), Islambek Qýat («Jeńis»), Dinmuhamed Qaraman («Astana»), Serikjan Mýjıkov («Jetisý»), Ábınur Nurymbet («Oqjetpes»).
Shabýylshylar: Dastan Sátpaev («Qaırat»), Ǵalymjan Kenjebek, Maksım Samorodov (ekeýi de – «Ahmat», Reseı), Islam Chesnokov («Harts», Shotlandııa), Roman Mýrtazaev («Elimaı»), Maǵjan Toqtybaı («Ordabasy»), Maqsat Abraev («Astana»).
Eske salsaq, 2028 jyldan keıin UEFA Ulttar lıgasynyń formaty ózgeredi.
