Fýtboldan Qazaqstan quramasynyń 2023 jylǵy matchtaryna kelýshiler sany belgili boldy
Qazaqstan quramasynyń 2023 jylǵy Eýropa chempıonatyna irikteý kezeńindegi on matchyn 245 578 kórermen tamashalady. Kazinform agenttigi bul týraly Sports.kz portalyna silteme jasap habarlaıdy.
Jurtshylyq eń kóp jınalǵan match Kopengagende boldy, ol kezde ulttyq qurama «Parkende» Danııa quramasyna qarsy oınaǵan, 35 845 kórermen jınaldy.
Óz alańynda eń kóp adam jınalǵan oıyn San-Marıno quramasyna qarsy match boldy, oǵan 30 100 kórermen keldi. Bul – Qazaqstan quramasy úshin óz alańyndaǵy matchtarynyń rekordy.
Eń az kórermen Parmada San-Marınoǵa qarsy ótken matchta boldy – 528 kórermen. Óz alańyndaǵy matchtardaǵy kórermenderdiń eń azy Slovenııaǵa qarsy oıyn boldy – 27 122 kórermen.
Óz alańyndaǵy bes matchqa barlyǵy 144 396 kórermen keldi. Syrttaǵy bes kezdesýge 101 182 kórermen jınaldy.
