Fýtboldan Qazaqstan quramasy joldastyq kezdesýde Vengrııaǵa ese jiberdi
ASTANA. KAZINFORM - Fýtboldan Qazaqstan ulttyq quramasy búgin Vengrııamen joldastyq oıyn ótkizdi.
Kezdesý barysynda vengrııalyq fýtbolshylar belsendilik kórsetti, alǵashqy mınýttan tizgindi óz qolyna alýǵa tyrysqan olar jyldam gol soǵý múmkindigin izdedi. Esesine otandastarymyz qarymta shabýylǵa kóńil bóldi. Osyndaı sátterdiń birinde qazaqstandyq qorǵaýshy Sergeı Malyı buryshtamadan áýelete berilgen pasty baspen qaqpaǵa engizip ketti.
Vengrııalyq fýtbolshylar tarazy basyn teńestirýge umtyldy. Soǵan qaramastan birinshi kezeńde tablodaǵy esepke ózgeris engen joq.
Ekinshi kezeńde alań ıeleri alǵa qaraı umtyldy. Vengrııa quramasynyń kapıtany Domınık Soboslaı 52-mınýtta tarazy basyn teńestirip ketti. Odan keıin olardyń qatarynan Andrash Shafer 67, Radjmýnd Tot 93-mınýtta eki gol soqty.
Osylaısha Qazaqstan quramasy qarsylasyna 1:3 esebimen ese jiberdi.
Aıta ketsek, qazirge deıin eki qurama eki márte kezdesken edi. 2014 jyly 8 maýsymda syrt alańda ótken kezdesýde otandastarymyz qarsylasyna 0:3 esebimen ese jiberse, 2018 jyly 24 naýryzda ótken taǵy bir joldastyq kezdesýde 3:2 esebimen jeńgen edi.
