Fýtboldan Qazaqstan quramasy joldastyq kezdesýde Soltústik Koreıadan jeńildi

ASTANA. KAZINFORM - Fýtboldan Qazaqstan quramasy Túrkııada ótip jatqan oqý-jattyǵý jıyny barysynda Soltústik Koreıamen kezdesti.

Belgili maman Álı Álıev tizginin ustaǵan Qazaqstan quramasynda negizinen jastar oıyn kórsetedi. Soǵan qaramastan olar búgingi qarsylasyna laıyqty tótep bere bildi.

Kezdesý barysynda quramalar birinshi kezeńde bir-biriniń qaqpasynan sańylaý taba alǵan joq.

Ekinshi kezeńde oıyn tziginin qazaqstandyq fýtbolshylar óz qolynda ustaýǵa tyrysty. Dese de gol soǵatyn múmkindigin múlt jiberip alyp jatty.

Oıynnyń 69, 95-mınýttarynda Soltústik Koreıa fýtbolshylary gol soǵyp ketti.

Osylaısha qazaqstandyq fýtbolshylar qarsylasyna 0:2 esebimen ese jiberdi.

Soltústik Koreıa quramasy 1966, 2010 jyldarda álem chempıonaty fınaldyq satysynda oıyn kórsetken. Olar 2026 jylǵy álem chempıonaty irikteý satysynyń úshinshi irikteý kezeńinen qatysyp jatyr. Qazir A tobynda nebári eki upaımen altynshy oryndy mise tutyp tur.

Aıta ketsek, Qazaqstan quramasy 2026 jylǵy Álem chempıonatynyń irikteý týrnırinde Ýels, Lıhtenshteın, Soltústik Makedonııa jáne Belgııa komandalarymen birge J tobyna tústi.

Ulttyq qurama irikteý kezeńin 23 naýryz kúni syrt alańda Ýelske qarsy oıynmen bastaıdy. Úsh kúnnen soń Lıhtenshteınmen kezdesedi. Eki oıyn da syrt alańda ótedi.

Eske salsaq, budan buryn Qazaqstan ulttyq quramasy ózbekstandyq klýbpen teń tústi.