Fýtboldan Qazaqstan quramasy Ulttar lıgasyna daıyndyǵyn bastady

ASTANA. KAZINFORM - Almatyda fýtboldan Qazaqstan ulttyq quramasynyń oqý-jattyǵý jıyny bastaldy.

Qyrkúıekte Qazaqstan ulttyq quramasy V lıgasy úshinshi tobynda ÝEFA Ulttar lıgasy aıasynda eki match ótkizedi. Norvegııamen oıyn 6 qyrkúıek kúni 19:00-de Almatynyń Ortalyq stadıonynda ótse, Slovenııaǵa qarsy kezdesý 9 qyrkúıekte Lıýblıana qalasyndaǵy «Stojıtse» stadıonynda Astana ýaqytymen saǵat 23:45-ke josparlanǵan.

Ulttyq quramaǵa shaqyrý alǵan oıynshylar tizimi:

Qaqpashylar: Igor Shatskıı («Aqtóbe»), Aleksandr Zarýtskıı («Astana»), Stas Pokatılov («Tobyl»), Temirlan Anarbekov («Jeńis»);

Qorǵaýshylar: Sergeı Malyı («Ordabasy»), Roman Asrankýlov, Erkin Tapalov (ekeýi de – «Tobyl»), Aleksandr Marochkın, ıAn Vorogovskıı, Marat Bystrov (barlyǵy – «Astana»), Mıhaıl Gabyshev («Elimaı»), Álibek Qasym («Aqtóbe»), Nuraly Álip («Zenıt», Reseı), Lev Skvortsov («Shınnık», Reseı), Talǵat Kýsıapov («KAMAZ», Reseı);

Jartylaı qorǵaýshylar: Ashat Taǵybergen, Baýyrjan Islamhan, Aıbol Ábiken (barlyǵy – «Ordabasy»), Ramazan Orazov («Sılkeborg», Danııa), Arman Keńesov («Aqtóbe»), Baqtıer Zaınýtdınov («Beshıktash», Túrkııa), Abzal Beısebekov, Elhan Astanov (ekeýi de – «Astana»), Islam Chesnokov («Tobol»);

Shabýylshylar: Abat Aıymbetov («Adana Demırspor», Túrkııa), Aıbar Jaqsylyqov («Qaısar»), Oralhan Ómirtaev (BATE, Belarýs), Ramazan Kárimov («Astana»).