Fýtboldan Qazaqstan quramasy Túrkııada oqý-jattyǵý jıynyn ótkizedi

ASTANA. KAZINFORM – Qazaqstan quramasynyń bas bapkeri mindetin atqarýshy Álı Álıev 2026 jylǵy álem chempıonatynyń irikteý kezeńi qarsańynda ótetin oqý-jattyǵý jıynyna shaqyrtý alǵan oıynshylardyń tizimin jarııalady.

Qazaqstan fýtbol federatsııasynyń baspasóz qyzmetinen málim etkenindeı, oqý-jattyǵý jıyny 10-18 aqpan kúnderi Túrkııanyń Belek qalasynda ótedi.

Jıynnyń negizgi maqsaty – ulttyq quramaǵa úmitkerlerdi qaraý.

Qazaqstan quramasyna shaqyrtý alǵan oıynshylar tizimi:

Qaqpashylar: Bekhan Shaızada («Ordabasy»), Dinmuhammed Jomart («Jeńis»), Nurasyl Toqtarov («Atyraý»).

Qorǵaýshylar: Ular Jaqsybaev («Ordabasy»), Adı Adambaev, Almas Tólibaı (ekeýi – «Elimaı»), Dinmuhamed Qaraman («Jeńis»), Asqar Satyshev («Turan»), Amandyq Nabıhanov («Atyraý»).

Jartylaı qorǵaýshylar: Abylaıhan Nazymhanov («Elimaı»), Serikjan Mýjıkov, Alen Aımanov («Jetisý»), Jasulan Jumashev, Naýryzbek Jagorov, Meırambek Qalmyrza, Danııar Úsenov (bári – «Tobyl»), Ravıl Atyhanov («Atyraý»), Davıd Esimbekov («Chernomorets», Reseı);

Shabýylshylar: Aıbar Jaqsylyqov («Qaısar»), Alııar Muhamed («Oqjetpes»), Oralhan Ómirtaev, Aıbar Abdýlla («Aqtóbe»).

Qazaqstan quramasy 2026 jylǵy álem chempıonatynyń irikteý týrnırinde Ýels, Lıhtenshteın, Soltústik Makedonııa jáne Belgııa komandalarymen birge J tobyna tústi.

Ulttyq qurama irikteý kezeńindegi alǵashqy matchyn 23 naýryz kúni Ýelspen ótkizedi. Úsh kúnnen soń Lıhtenshteınmen kezdesedi. Eki oıyn da syrt alańda ótedi.

Eske sala keteıik, budan buryn Eýropa lıgasynda Zaınýtdınov oınaıtyn «Beshıktash» komandasy iri eseppen jeńiske jetkenin jazǵan edik.