Fýtboldan Qazaqstan quramasy syrt alańda Aýstrııamen kezdesedi
ASTANA. KAZINFORM - Búgin fýtboldan Qazaqstan quramasy UEFA Ulttar lıgasynyń V dıvızıonynda úshinshi oıynyn syrt alańda Aýstrııaǵa qarsy ótkizedi.
El quramasy atalǵan týrnırdiń úshinshi tobynda synǵa túsedi. Qarsylastary - Norvegııa, Slovenııa jáne Avstrııa quramalary.
Qazirge deıin qazaqstandyq fýtbolshylar óz alańynda Norvegııamen 0:0 esebimen teń túsip, syrt alańda Slovenııaǵa 0:3 esebimen jol berdi.
Aýstrııa jáne Qazaqstan kezdesýi elorda ýaqytymen Lınts qalasyndaǵy «Raıffaızen Arena» stadıonynda 23.45-ke bastalady. Oıyn «Qazsport» telearnasynan tikeleı efırde kórsetiledi.
Eki qurama buǵan deıin tórt márte kezdesti. Qazaqstandyq fýtbolshylar eki márte qarsylasyna ese jiberse, ekeýinde quramalar teń nátıjege qanaǵat bildirdi. Aldymen 2010 jylǵy Eýropa chempıonaty irikteý kezeńinde A tobynda 0:2 esebimen jeńilip, 0:0 esebimen teń oınady. Odan keıin 2012 jyly álem chempıonaty irikteý kezeńinde S tobynda aldymen 0:0 esebimen tirkelse, syrt alańda qarsylasqa 0:4 esebimen jeńildi.
Búgingi kezdesýge shotlandııalyq tóreshiler qazylyq etedi. Bas tóreshi qyzmetin Donald Robertson atqarady. Oǵan Devıd Rým men Ross Makleod kómekshilik jasaıdy. Tórtinshi tóreshi de sol eldiń ókili Grant Irvaın.
Qazaqstan quramasynyń bas bapkeri Stanıslav Cherchesoov aldaǵy kezdesýge tómendegi oıynshylarǵa senim artyp otyr.
Qaqpashylar: Igor Shatskıı («Aqtóbe»), Aleksandr Zarýtskıı («Astana»), Stas Pokatılov («Tobyl»), Bekhan Shaızada («Ordabasy»);
Qorǵaýshylar: Álibek Qasym («Aqtóbe»), Nuraly Álip («Zenıt», Reseı), Aleksandr Marochkın, ıAn Vorogovskıı, Marat Bystrov (barlyǵy – «Astana»), Sultanbek Astanov («Ordabasy»), Roman Asrankýlov («Tobyl»), Lev Skvortsov («Shınnık», Reseı), Ashat Baltabekov («Jetisý»), Ular Jaqsybaev («Qyzyljar»), Ádilbek Jumahanov («Atyraý»);
Jartylaı qorǵaýshylar: Ashat Taǵybergen, Baýyrjan Islamhan, Aıbol Ábiken (barlyǵy – «Ordabasy»), Ramazan Orazov («Sılkeborg», Danııa), Maksım Samorodov («Ahmat», Reseı), Aslan Darabaev («Elimaı»), Baqtıer Zaınýtdınov («Beshıktash», Túrkııa), Islam Chesnokov («Tobyl»), Andreı Ýlshın («Qaırat»);
Shabýylshylar: Abat Aıymbetov («Adana Demırspor», Túrkııa), Aıbar Jaqsylyqov («Qaısar»), Jan-Álı Paırýz («Elimaı»), Artýr Shýshenachev («Sochı», Reseı).
El quramasy aldaǵy kezdesýge 5 qazannan bastap Aýstrııanyń Krems qalasynda daıyndyǵyn ótkizdi.
Al, Aýstrııa quramasynyń bas bapkeri Ralf Rangnık ÝEFA Ulttar lıgasyndaǵy qazan aıyna belgilengen eki oıynyna qatysatyn quramyn jarııalady.
Qaqpashylar: Nıklas Hedl («Rapıd», Avstrııa), Patrık Pentts («Brondbıý», Danııa), Aleksandr Shlager («Red Býll Zaltsbýrg», Avstrııa)
Qorǵaýshylar: Flavıýs Danılıýk («Verona», Italııa), Marko Frıdl («Verder Bremen», Germanııa), Fılıpp Lıenhart («Fraıbýrg», Germanııa), Fılıpp Mvene («Maınts 05», Germanııa), Stefan Posh («Bolonıa», Italııa), Aleksandr Prass («Hoffenhaım», Germanııa), Leopold Kverfeld («Ýnıon Berlın», Germanııa), Mıhael Svoboda («Venetsııa», Italııa), Gernot Traýner («Feıenoord», Nıderlandy);
Jartylaı qorǵaýshylar: Krıstof Baýmgartner («RB Leıptsıg», Germanııa), Florıan Grıllıtch («Hoffenhaım», Germanııa), Konrad Laımer («Bavarııa», Germanııa), Marsel Zabıttser («Borýssııa Dortmýnd», Germanııa), Romano Shmıd («Verder Bremen», Germanııa), Matıas Zaıdl («Rapıd», Avstrııa), Nıkolas Zaıvald («RB Leıptsıg», Germanııa), Kevın Shtoger («Borýssııa Menhengladbah», Germanııa), Patrık Vımmer («Volfsbýrg», Germanııa);
Shabýylshylar: Djýnıor Adamý («Fraıbýrg», Germanııa), Marko Arnaýtovıch («Inter», Italııa), Mıhael Gregorıch («Fraıbýrg», Germanııa), Andreas Vaıman («Blekbern Rovers», Anglııa).
