Fýtboldan Qazaqstan quramasy ózbekstandyq klýbpen teń tústi

ASTANA. KAZINFORM - Fýtboldan Qazaqstan ulttyq quramasy Túrkııadaǵy oqý-jattyǵý jıyny aıasynda búgin Ózbekstannyń «Lokomotıv» (Tashkent) klýbymen teń oınady.

Kezdesý barysynda alǵashqy goldy qyzylordalyq «Qaısar» komandasynyń shabýylshysy Aıbar Jaqsylyqov soqqan edi. Oǵan ózbekstandyq klýb penaltıden bir golmen jaýap qaıyrdy.

Osylaısha, qazaqstandyq fýtbolshylar qarsylasymen 1:1 esebimen teń tústi.

Endi el quramasy 17 aqpanda Soltústik Koreıamen (KHDR) joldastyq kezdesý ótkizedi. Match Qazaqstan ýaqytymen 19:00-de bastalady.

Oqý-jattyǵý jıyny Túrkııanyń Belek qalasynda 18 aqpanǵa deıin ótedi. Jıynnyń negizgi maqsaty - ulttyq quramaǵa úmitkerlerdi qaraý. Sondyqtan bapkerlik shtab atalǵan jıynǵa ulttyq quramaǵa úmitkerler men jas oıynshylardy shaqyrdy.

Aıta ketsek, Qazaqstan quramasy 2026 jylǵy Álem chempıonatynyń irikteý týrnırinde Ýels, Lıhtenshteın, Soltústik Makedonııa jáne Belgııa komandalarymen birge J tobyna tústi.

Osyǵan deıin fýtboldan Qazaqstan quramasy Túrkııada oqý-jattyǵý jıynyn ótkizetini týraly habarlaǵan edik.