Fýtboldan Qazaqstan quramasy Lıhtenshteınge jetti
ASTANA. KAZINFORM - Fýtboldan Qazaqstan quramasy 2026 jylǵy álem chempıonaty irikteý kezeńindegi ekinshi oıynyn ótkizý úshin Lıhtenshteınge keldi.
El quramasy Ýels astanasy — Kardıfften Shveıtsarııanyń Tsıýrıh qalasyna deıin ushaqpen jetti. Sebebi, Lıhtenshteın astanasy — Vadýts qalasynda áýejaı joq. Odan ary qaraı olar Bad-Ragats degen qalaǵa avtobýspen jetti.
Shveıtsarııanyń Vad-Ragats qalasy Lıhtenshteın astanasy — Vadýtstan 20 shaqyrym jerde ornalasqan. Al match Vadýtstaǵy «Raınpark» stadıonynda ótedi. Búgin, 24 naýryzda baspasóz máslıhaty men jattyǵý josparlanǵan.
Kezdesý naýryzdyń 25-inen 26-yna qaraǵan túni saǵat 00:45-te bastalyp, «Qazsport» telearnasynan tikeleı efırde kórsetiledi.
Atalǵan matchta Djon Bıton bastaǵan shotlandııalyq tóreshiler qyzmet atqarady. Oǵan otandastary Denıel Makfarleın men Devıd Makgıchı kómek beredi. Qosalqy tóreshi de sol eldiń ókili — Devıd Dıkınson.
El quramasy 2026 jylǵy álem chempıonatyna irikteý kezeńinde J tobynda oıyn kórsetedi. Qarsylastary — Belgııa, Ýels, Soltústik Makedonııa jáne Lıhtenshteın.
Іrikteý kezeńi 2025 jyldyń naýryzynda bastalyp, qarasha aıynda aıaqtalady.
Eske salsaq, alǵashqy týrda syrt alańda Qazaqstan Ýelske 1:3 esebimen jol berse, Lıhtenshteın Soltústik Makedonııa 0:3 esebimen jeńilip qaldy.