Fýtboldan Qazaqstan quramasy Lıhtenshteın qaqpasyna jaýapsyz 4 gol soqty
ASTANA. KAZINFORM – Búgin Qazaqstan quramasy fýtboldan 2026 jylǵy álem chempıonaty irikteý kezeńindegi kezekti oıynyn Lıhtenshteınge qarsy ótkizdi.
Match barysynda qazaqstandyq fýtbolshylar jyldam gol soǵýǵa tyrysty. Degenmen oǵan qarsylastar múmkindik bere qoıǵan joq. Dese de qurama sapynan Ǵalymjan Kenjebektiń tamasha oıynymen kózge tústi. Onyń kezdesýdiń 26-mınýtynda qarsylastar qaqpasy mańynda birneshe fýtbolshyny aldap ótip, alystan tepken doby qaqpa torynda týlady. Odan keıin Ǵalymjan komandalasy Bahtıer Zaınýtdınovke pas shyǵyp, sońǵysy ony golǵa aınaldyra bildi.
Ekinshi kezeńde otandastarymyz shabýyldy arttyra tústi. Oıynnyń 57-mınýtynda Ǵalymjan Kenjebek taǵy bir márte qarsylas qaqpasyn dál kózdedi. Al 81-mınýtta Álibek Qasym esepti eselep, kezdesýdiń núktesin qoıdy. Osylaısha Qazaqstan quramasy qarsylasynan 4:0 esebimen basym tústi. Sol arqyly úsh oıynǵa sozylǵan jeńilis serııasyna núkte qoıdy.
Eske salsaq, qazirge deıin qazaqstandyq fýtbolshylar Belgııa (0:6), Ýels (1:3, 0:1) pen Soltústik Makedonııa (0:1) quramalarynan jeńilip, Lıhtenshteınnen (2:0) basym tústi. Qazaqstan quramasy aldaǵy oıynyn 13 qazanda Soltústik Makedonııaǵa qarsy ótkizedi.
Buǵan deıin Qazaqstan quramasy elordada Lıhtenshteınmen kezdesetinin jazǵan edik.