Fýtboldan Qazaqstan quramasy Kıýrasaomen joldastyq kezdesý ótkizedi

ASTANA. KAZINFORM — Bul jóninde Qazaqstan fýtbol federatsııasy málim etti. Kezdesý 19 naýryzda qazaqstandyq ýaqytpen 21:30–da bastalady.

Kıýrasao quramasy FIFA reıtınginde 91-orynda tur. Olarǵa áıgili nıderlandtyq maman Dık Advokat jetekshilik etedi.

— Eki taraptyń kelisimi boıynsha match jabyq túrde ótedi. Mátindik jáne beınekórsetilim, negizgi quram jáne beınematerıal bolmaıdy, Oıyn aıaqtalǵannan keıin fotoreportaj, match nátıjesi men gol avtorlary habarlanady, — dep jazylǵan habarlamada.

Ulttyq quramanyń oıynshysy Baqtıer Zaınýtdınov qosymsha medıtsınalyq qaralymnan ótip, aldaǵy eki kezdesýge qatysa almaıtyny belgili boldy.

Al Ramazan Kárimov pen Roman Asrankýlov alǵan jaraqatyna baılanysty oqý-jattyǵý jıynynda bolǵan joq. 

2026 jylǵy álem chempıonaty irikteý satysynda Qazaqstan quramasy J tobynda synǵa túsedi. Qarsylastary — Belgııa, Ýels, Soltústik Makedonııa jáne Lıhtenshteın.

Matchtar 2025 jyldyń naýryzynda bastalyp, qarasha aıynda aıaqtalady.

Aıta ketsek, Qazaqstan quramasy 22 naýryzda syrt alańda Ýelspen kezdesse, 25 naýryzda Lıhtenshteınge qarsy oınaıdy.