Fýtboldan Qazaqstan quramasy elordada Slovakııamen teń oınady
ASTANA. KAZINFORM — Fýtboldan UEFA Ulttar lıgasynyń altynshy týryndaǵy Qazaqstan — Slovakııa kezdesýi aıaqtaldy.
Bul oıynǵa qarsylastar týrnır kestesinde túrli jaǵdaıda jetti. Slovakııalyq fýtbolshylar bes týrdan keıin 11 upaı jınap, bir týr buryn pleı-off satysyna joldama alǵan edi. Esesine Qazaqstan quramasy nebári eki upaı jınap, tórtinshi orynǵa jaıǵasty. Sondyqtan otandastarymyz bul týrnırdegi alǵashqy jeńiske qol jetkizý úshin baryn saldy.
Oıynnyń 29-mınýtynda qazaqstandyq Ǵalymjan Kenjebektiń shyǵarǵan pasyn áriptesi Islam Chesnokov qaqpa torynda týlatty. Oǵan slovakııalyq Robert Bojenık 58-mınýtta bir golmen jaýap qaıyrdy.
Arada toǵyz mınýt ótkende Ǵalymjan Kenjebektiń bergen pasyn ıAn Vorogovskıı golǵa aınaldyryp, Qazaqstan quramasy taǵy alǵa shyqty.
Oıynnyń 97-mınýtynda Adrıan Kapralık mergendik tanytyp, kezdesýdiń núktesin qoıdy.
Osylaısha qos qurama 2:2 esebine qanaǵat bildirdi.
Aıta ketsek, otandastarymyz Ulttar lıgasynda Farer araldarymen (1:1, 2:2) eki márte teń tússe, Moldovaǵa (1:2, 1:2) eki márte jeńilip qaldy.
Al Slovakııaǵa syrt alańda 1:2 esebimen ese jiberdi.
Bul topta búgin Farer araldary óz alańynda Moldvany 1:0 esebimen qapy qaldyrdy.
Alty týrdan keıin Slovakııa 12, Farer araldary 8 upaı jınap, pleı-off satysyna shyqty. Odan keıingi oryndardaǵy Moldovanyń 7, Qazaqstannyń 3 upaıy bar.