Fýtboldan Qazaqstan quramasy búgin Túrkimenstanmen joldastyq kezdesý ótkizedi

ASTANA. KAZINFORM - Fýtboldan Qazaqstan ulttyq quramasy búgin, 14 naýryzda Túrkimenstanmen joldastyq kezdesý ótkizedi.

Bul oıyn ulttyq quramanyń Birikken Arab Ámirliginde oqý-jattyǵý jıyny aıasynda uıymdastyrylyp otyr. Kezdesý saǵat 19.00-ge belgilengen. BAÁ-niń Dýbaı qalasynda ótip jatqan oqý-jattyǵý jıynyna oıynshylardyń basym bóligi jınaldy.

Endi Túrkııa men Reseı chempıonatynan Abat Aıymbetov, Baqtıer Zaınýtdınov, Nuraly Álip qosylady. Sondyqtan olar búgingi oıynǵa qatysa almaıdy.

FIFA reıtınginde Túrkimenstan quramasy 141 orynda tur. Eki qurama sońǵy ret 1994 jyldyń 15 sáýirinde kezdesken edi. Bul oıynda quramalar 0:0 esebine qanaǵat bildirdi.

Odan buryn 1992 jyly bir kezdesýde 1:0 esebimen tize búktirse, kelesi oıynda 1:1 esebi tirkeldi. Búgingi Túrikmenstan quramasymen jabyq joldastyq oıyn ótedi. Ol telearnalar arqyly kórsetilmeıdi.

Aıta ketsek, Birikken Arab Ámirlikterinde ótetin oqý-jattyǵý jıyny 19 naýryzǵa deıin sozylady. Qazaqstan quramasy Ulttar lıgasynda S jolymen 2024 jyldyń 21 naýryzynda jartylaı fınalda syrt alańda Grekııamen kezdesedi. Jeńgen jaǵdaıda 26 naýryzda taǵy da syrt alańda Grýzııa-Lıýksembýrg jubynyń jeńimpazymen sheberlik baıqasady.