Fýtboldan Qazaqstan quramasy búgin Farer araldarymen joldastyq kezdesý ótkizedi

ASTANA. KAZINFORM - Búgin fýtboldan Qazaqstan ulttyq quramasy Farer araldarymen joldastyq kezdesý ótkizedi.

Bul oıyn Qazaqstan ýaqytymen 22:00-de bastalyp, «Qazsport» telearnasynan tikeleı efırde kórsetiledi.

Kezdesý Horvatııanyń Pýla qalasynda ótedi.

Qazirge deıin qarsylastar tórt márte kezdesken. Onyń 2-de Farer araldary jeńiske jetse, 1-ýi teń aıaqtalyp, 1-de Qazaqstan quramasy basym tústi.

Otandastarymyz 2026 jylǵy álem chempıonaty irikteý kezeńinde J tobynda 8 upaımen 4 orynǵa turaqtady. Olar Ýelsten eki márte (1:3, 0:1), Soltústik Makedonııadan (0:1), Belgııadan (0:6) esebimen jeńilip, Soltústik Makedonııa jáne Belgııamen (1:1) teń tússe, Lıhtenshteındi (4:0, 2:0) eki márte tize búktirdi.

https://kaz.inform.kz/news/alem-chempionatina-rkteu-kazakstan-kuramasi-belgiyamen-ten-tust-34f59a/

Al Farer araldary quramasy L tobynda 9 upaımen úshinshi orynǵa taban tiredi. Olar Horvatııa (0:1, 1:3), Chehııa (1:2, 2:1) Chernogorııa (0:1, 4:0), Gıbraltarmen (2:1, 1:0) oınady.

FIFA reıtınginde Qazaqstan quramasy 119 orynda tursa, Farer araldary 136 orynǵa jaıǵasqan.

Bas bapker Talǵat Baısýfınovtyń aıtýynsha, bul kezdesýge Qazaqstan quramasy sapynda «Qaırat» komandasynyń fýtbolshylary qatyspaıdy. Olar almatylyq klýbtyń Chempıondar lıgasy besinshi týryndaǵy Danııanyń «Kopengagenimen» kezdesýge daıyndyǵyn júrgizedi.

Osyǵan deıin Horvatııada Fýtboldan 17 jasqa deıingiler arasynda ótken Eýropa chempıonatynyń irikteý týrnırinde Qazaqstan quramasy óz tobynda birinshi orynǵa ıe bolǵany týraly jazdyq.