Fýtboldan Qazaqstan quramasy Belarýspen joldastyq kezdesý ótkizedi

ASTANA. KAZINFORM — Fýtboldan Qazaqstan jáne Belarýs quramalarynyń joldastyq kezdesýi qashan ótetini belgili boldy.

Bul jóninde qos eldiń federatsııalary ózara kelisimge keldi.

Kezdesý 5 maýsymda Belarýs astanasy — Mınsk qalasyndaǵy «Dınamo» ulttyq olımpıadalyq stadıonynda ótedi. Match Qazaqstan ýaqytymen 22:00–de bastalady.

Qazirge deıin quramalar ózara jeti oıyn ótkizgen. Onyń tórteýinde Belarýs quramasy jeńse, taǵy eki match teń eseppen aıaqtalyp, bireýinde qazaqstandyq fýtbolshylar basym tústi. 

2022 jylǵy ÝEFA Ulttar lıgasynyń S dıvızıonynda Qazaqstan quramasy bir kezdesýde 1:1 esebimen teń tússe, taǵy birinde 2:1 esebimen tize búktirdi.

2026 jylǵy álem chempıonatynda J tobynda Ýelske (1:3) jol berip, Lıýksembýrgti (2:0) qapy qaldyrdy. Týrnır kestesinde úsh upaımen úshinshi orynda keledi.

Endi 10 maýsymda óz alańynda Soltústik Makedonııany qabyldaıdy.