Fýtboldan Qazaqstan quramasy Ázerbaıjanmen joldastyq kezdesý ótkizedi

ASTANA. KAZINFORM - Fýtboldan Qazaqstan quramasy maýsym aıynda Ázerbaıjanmen joldastyq kezdesý ótkizedi.

Bul jóninde Qazaqstan fýtbol federatsııasy málim etti. Kezdesý 11 maýsymda Sombatheı qalasynyń «Haladash» stadıonynda bolady. Bastalýy Astana ýaqytymen 21:00-ge belgilengen.

Qos qurama buǵan deıin 10 márte kezdesti. Onyń 5-de jeńiske jetse, 2-i teń aıaqtalyp, 3-de qarsylasyna jol berdi.

Sondaı-aq, qazaqstandyq fýtbolshylar 7 maýsymda Armenııa astanasy Erevanda sol eldiń quramasymen sheberlik baıqasady.

Aıta ketsek, ÝEFA Ulttar lıgasynyń 2024/25 maýsymynyń jerebe tartý qorytyndysy boıynsha Qazaqstan V lıgasynda Avstrııa, Norvegııa jáne Slovenııa quramalarymen birge úshinshi topqa tústi.

Qazaqstandyq fýtbolshylar alǵashqy oıynyn óz alańynda Norvegııaǵa qarsy ótkizedi.